सूचना :
स्वदेश तथा विदेशमा रहनुभएका सम्पूर्ण नेपाली आमाबुवा, दाजुभाइ तथा दिदीबहिनीहरूमा हार्दिक नमन।
नेपालीहरूको महान चाड विजया दशमी (बडादशैं), शुभ दीपावली (तिहार) तथा छठ पर्वको पावन अवसरमा सम्पूर्ण नगरवासी/गाउँवासी तथा आम नेपालीहरूमा सुख, शान्ति, सुस्वास्थ्य, दीर्घायु, एवं उत्तरोत्तर प्रगतिको लागि हार्दिक मंगलमय शुभकामना व्यक्त गर्दछु।
हाम्रो देशको अमूल्य सम्पत्ति भनेकै हाम्रो जातीय, भाषिक र साँस्कृतिक विविधता हो। दशैं-तिहारको उल्लास र छठको निष्ठाले हामी सम्पूर्ण नेपालीलाई एउटै एकताको सूत्रमा बाँधेको छ। यी चाडपर्वहरूले हाम्रो समाजमा आपसी सद्भाव, सहिष्णुता, र भाइचाराको सम्बन्धलाई अझ प्रगाढ बनाउँदै लगेका छन्।
देश निर्माणको सिलसिलामा रोजगारी वा अध्ययनको क्रममा विश्वका विभिन्न कुनामा पुग्नुभएका सम्पूर्ण नेपाली दाजुभाइ तथा दिदीबहिनीहरूले आफ्नो कला, संस्कृति र पहिचानलाई जहाँ भएपनि जीवित राख्नुभएकोमा म स्थानीय सरकारको तर्फबाट उच्च सम्मान व्यक्त गर्दछु।
'समृद्ध पालिका र सुखी नागरिक' बनाउने हाम्रो साझा अभियानलाई मूर्तरुप दिन यी महान चाडपर्वहरूले हामी सबैमा नयाँ जोस, जाँगर, सकारात्मक ऊर्जा र प्रेरणा प्रदान गरुन् भन्ने कामना गर्दछु। सम्पूर्णको घरआँगनमा सधैं खुशीयाली छाइरहोस्, यही मेरो हार्दिक शुभकामना छ।
धन्यवाद!
